ВИДЕО: Српски и грчки знамиња на Кајмакчалан – Македонија избришана од сопствената историја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВИДЕО: Српски и грчки знамиња на Кајмакчалан – Македонија избришана од сопствената историја

08 септември 2025

• од Станча Јаќимовски

Со српски и грчки знамиња на најсветото македонско место, Кајмакчалан, вчера беше одбележана 109-годишнината од битката што во историјата остана како почеток на српската окупација на Македонија. Наместо македонски обележја, таму се вееше знамето на туѓи армии, а македонскиот народ повторно беше избришан од сопствената историја.

Министерот за одбрана на Србија, Братислав Гашиќ, придружуван од високи воени претставници, со почести и венци се поклони пред спомен-костурницата на српските војници. Во своето обраќање, Гашиќ изјави дека „Кајмакчалан е местото каде слободата на српската татковина е платена со крв“. Овие зборови одекнаа како нож во срцето на Македонците – како признание дека нашата земја била поприште за туѓи соништа и туѓа „слобода“, а за нас само ново ропство.

На церемонијата присуствуваше и српската министерка за труд и социјална политика, Милица Ѓурѓевиќ Стаменковски, која без трошка воздржаност изјави дека „српските војници на Кајмакчалан со своите гради ја заштитиле својата татковина“. А чии гради го газеле македонскиот народ? Чии животи биле уништени од тие „херојски“ походи?

Место на страдање, а не на гордост

Кајмакчалан, врвот висок 2.525 метри, не е само врв на планина – тој е врв на македонското страдање. Таму илјадници Македонци биле жртвувани, прегазени и заборавени, додека туѓинците ги пишувале своите „славни“ страници на историјата.

И денес, повеќе од еден век подоцна, наместо извинување и признавање на историската неправда, нашите соседи организираат свечености и слават „победи“ што за Македонија значеле нови окупации, нови поделби и нови понижувања.

Македонија – заборавена и обесправена

Додека српските и грчките државници си ја градат својата митологија на македонска територија, македонските власти молчат. Ни збор, ни протест, ни дипломатска реакција. Македонија уште еднаш е сведена на нем набљудувач на сопственото исчезнување од историјата.

Што ни останува на нас? Да гледаме како туѓи знамиња се веат на македонска земја, како туѓи генерали држат говори за „свобода“ платена со македонска крв, а нашата вистина се брише, гази и претвора во тишина.