(Видео) Трагедијата во Кочани: Исповед на Борче од пожарот во ноќниот клуб

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

(Видео) Трагедијата во Кочани: Исповед на Борче од пожарот во ноќниот клуб

28 март 2025

• од Гоце Кически

Еден од преживеаните од страшниот пожар што го зафати ноќниот клуб во Кочани, Борче Јованчевски, го сподели своето потресно искуство од ноќта кога многумина се бореа за живот.

„Пејачите рекоа 'сите надвор, сите надвор, ќе се вратиме'. Тргнавме полека да излегуваме надвор, но наеднаш настана стампедо и хаос,“ раскажува Борче со видлива вознемиреност, објаснувајќи како паниката брзо ги надвладеала присутните.

Тој се обидувал да ја држи својата сопруга за рака, но трагедијата не дозволила среќен крај на таа ноќ. „Јас ја држев сопругата за рака и наеднаш од јаглеродниот моноксид се онесвестив. Но, Бог ми даде некаква сила, не знам како да опишам. Се разбудив и видов дека не ја држам веќе за рака. Пробав да излезам, но никако не успеав, бевме заглавени.“

Со надчовечка сила, Борче успеал да се извлече од клопката. „Се искачив, почнав да гребам и паднав долу пред скалите. Првото нешто што го направив беше да истурам вода на лицето и веднаш почнавме да ги извлекуваме луѓето.“

Опишувајќи го хаосот, Борче додаде: „Многу од нив беа заглавени, сите пружаа рака. Некој можеше да се извлече, а некој не.“ Тој посебно ја истакна храброста на обезбедувањето. „До мене беше обезбедувањето, многу силен човек кој можеше да извлече повеќе луѓе. Ги подававме сите нанадвор.“

На помош пристигнал и неговиот дедо. „После 10 минути дојде дедо ми, со него заедно почнавме да ги вадиме луѓето од дискотеката. Имаше запалено од едната страна бела даска која гореше. Заедно ја кренавме даската и ја фрливме, а дедо ми се повлече на страна.“

Оваа трагедија во Кочани остави длабока рана врз локалната заедница. Исповедта на Борче Јованчевски е сведоштво за храброста и солидарноста кои се појавуваат во најтешките моменти. Властите продолжуваат со истрагата за причините за пожарот, додека Кочани тагува за загубата и ги поддржува преживеаните.