19 декември 2025
• од Станча Јаќимовски
Поранешната специјална јавна обвинителка Вилма Русковска поднела пријава до Министерството за внатрешни работи против Бојан Јовановски – Боки 13, поради, како што наведува, телефонско вознемирување.
Според пријавата, инцидентот се случил вечерта на 18 декември 2025 година. Русковска тврди дека Јовановски, додека бил во живо вклучување на платформата „Јутуб“, во повеќе наврати телефонски ја контактирал, иако таа одбивала да одговори на повиците.
На видеоснимка која веќе кружи на социјалните мрежи, може да се забележи дека обидите за контакт биле придружени со навредливи и вознемирувачки изјави од страна на Јовановски. Во еден момент, Русковска го предупредила дека доколку продолжи со повиците, ќе биде принудена да го пријави случајот во полиција. И покрај тоа предупредување, повиците не престанале.
Од Министерството за внатрешни работи ја потврдија пријавата и за медиумите изјавија дека се преземаат мерки и активности за целосно расчистување на настанот и утврдување на сите релевантни факти.
Засега нема официјални информации за понатамошни чекори или можни санкции, а јавноста очекува институциите да го разрешат случајот во согласност со законските процедури.
Бујар Дардишта уапсен при обид за бегство на граничниот премин Долно Блаце
Ненадминливи Понуди Дневно
4.8 (10276 рецензии)
Заштедете 152.00 ден

