24 август 2025
• од Станча Јаќимовски
Во рамки на денешниот саем за отчет под мотото „4 години работа за тебе“ се одржа трибина на тема „600 милиони евра за развој и локален прогрес“. На настанот свое обраќање имаше министерката за образование и наука, Весна Јаневска, која истакна дека Владата на ВМРО-ДПМНЕ заедно со Министерството за образование ги поставиле темелите за изградба на силен национален систем.
Јаневска потенцираше дека за само една година од добивањето на мандатот, Владата реализирала проекти во вредност од 67 милиони евра.
„Во првата година, само со средства од Министерството за образование и наука покривме проекти вредни 32 милиони евра“, рече министерката.
Како дел од овие вложувања, изградени се 7 нови училишта, реконструирани се 20 училишта и се во тек изградбите на 4 спортски сали.
„Изградивме 7 објекти, де факто 7 нови училишта, но во склоп на претходно постојните училишта. Во истиот тој период реконструиравме 20 други останати училишта и започнавме со изградба на 4 спортски сали во Аеродром, Кисела Вода, Струга и Липково,“ нагласи Јаневска.
Министерката подвлече дека Владата не прави разлика во однос на локалната самоуправа, туку води грижа исклучиво за интересот на граѓаните.
„Уште еден доказ дека оваа Влада не прави разлика во однос на локалната управа, туку води грижа само за граѓаните,“ истакна таа.
Ненадминливи Понуди Дневно
4.8 (10276 рецензии)
Заштедете 152.00 ден

