Владата ќе троши 383.000 евра за кампања за придобивките од членството во ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Владата ќе троши 383.000 евра за кампања за придобивките од членството во ЕУ

23 август 2025

• од Станча Јаќимовски

Граѓаните повторно ќе финансираат „спроведување на кампања од јавен интерес“ – овојпат тежок 383.000 евра или 23,3 милиони денари.

Договорот и носителот

Јавната набавка е спроведена од Генералниот секретаријат на Владата на Република Северна Македонија и ќе трае 12 месеци. Носител на набавката е Друштвото за филмска продукција ВЕРТИГО – НМЕ ДОО Скопје, а договорот е потпишан од страна на генералниот секретар на Владата, Игор Јанушев.

Вкупната вредност на договорот изнесува 23.363.904 денари со ДДВ, додека проценетата вредност била 23,6 милиони денари.

Цел на кампањата

Според тендерската документација, Владата ќе спроведе медиумска кампања за придобивките од евроинтеграцискиот процес и членството во Европската унија. Преку повеќе канали за комуникација ќе се информира јавноста за:

Креирање свесност за придобивките од евроинтеграциите и членството во ЕУ.
Информирање на јавноста со структурирани и лесно разбирливи информации за конкретни придобивки.
Овозможување подобро разбирање на реформите и европските вредности – човекови права, слобода, демократија, еднаквост и владеење на правото.
Потврдување и зајакнување на посветеноста на Владата кон европскиот пат и стратешката цел – полноправно членство во ЕУ.

Услови за учество

Во тендерот се предвидува дека економскиот оператор морал да има реализирано најмалку два договори со слична природа во последните три години.

Колку чини една анимација, а колку ПР стратегија?

Од техничката спецификација се гледаат деталните ставки и цени:

Осмислување и продукција на една видео анимација чини 202.950 денари (околу 3.300 евра).
Осмислување и изработка на ПР стратегија чини 3.262.200 денари (над 53.000 евра).
Рекламирање на социјални мрежи изнесува 467.769 денари.
Надворешно рекламирање (билборди) ќе чини 738.000 денари.
Дизајн на лого и изработка на слоган – по 73.800 денари.
Цените за другите услуги се движат од неколку илјади до неколку стотици илјади денари – вклучувајќи графички решенија, дигитални стратегии, видео продукции и визуелен идентитет на кампањата.