Власта ги одби амандманите на Левица за прогласување на Кожуф и Огражден за заштитени подрачја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Власта ги одби амандманите на Левица за прогласување на Кожуф и Огражден за заштитени подрачја

21 ноември 2025

• од Станча Јаќимовски

Пратеничката група на Левица повторно остана без поддршка за иницијативата да се издвојат средства во Буџетот за 2026 година за заштита на планините Кожуф и Огражден. На седницата на Комисијата за финансирање и буџет, пратеникот Сашко Јанчев ги образложи амандманите со кои се предлагаа по 200.000 евра за изработка на студии за валоризација – прв и неопходен чекор кон нивно прогласување за национален парк, односно заштитено подрачје. И покрај образложението и јавната поддршка, власта ги одби двата предлога, информира Левица.

Кожуф – национално богатство под долгогодишен притисок

Во своето излагање, Јанчев потсети дека Кожуф повеќе од една деценија се соочува со сериозни закани од поединци и компании кои, водени од профит, се обидуваат да ја загрозат планината. Тој го истакна и референдумот од 2017 година во Општина Гевгелија, кога од излезените 69% граѓани, дури 99% се изјасниле за целосна заштита на Кожуф.

Јанчев нагласи дека ова прашање одамна ја надминало локалната димензија. Летово, тоа дополнително се потврди со 72-дневната граѓанска блокада на Дошница, организирана за спречување на изградбата на две мали хидроцентрали на, како што ја нарече, „најчистата река во Македонија“.

Огражден – регионот под закана од „рудник на смртта“

Пратеникот ја образложи и потребата од студија за валоризација на планината Огражден, за која, како што рече, веќе една деценија постои опасност да биде загрозена од планираниот рудник кај Иловица и Штука. Тој потсети дека граѓаните со право го нарекуваат овој проект „рудник на смртта“.

Посебен ризик, според Јанчев, претставува планираното хидројаловиште со брана висока 276 метри – што би било највисоко од овој тип во светот. Таквата конструкција, во трусен регион каков што е Струмичката котлина, носи сериозен потенцијал за катастрофални последици врз здравјето на граѓаните, водните ресурси и земјоделството.

Јанчев: Време е власта да застане на страната на народот

Во заклучок, Јанчев порача дека е време власта „конечно да ја избере вистинската страна – страната на народот и заштитата на природното богатство, а не страната на профитерите“.

Но, како што наведуваат од Левица, власта и оваа година ги одбила двата амандмани, оставајќи ги процесите за заштита на Кожуф и Огражден без институционална поддршка и во 2026 година.