Властите не успеаја да го опструираат протестот – граѓаните бараат одговорност за трагедијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Властите не успеаја да го опструираат протестот – граѓаните бараат одговорност за трагедијата

28 март 2025

• од Гоце Кически

Мирни собири низ цела Македонија се одржаа како реакција на трагедијата во Кочани, во која животите на повеќе луѓе беа трагично изгубени. Најголемиот собир се одржа на плоштадот „Македонија“ во Скопје, организиран од граѓанската иницијатива „Кој е следен?“, која побара одговорност и правда за настаните.

Иако целта на собирот беше да се оддаде почит на жртвите, властите реагираа со обиди за опструкција. Преку клевети и манипулации на провладините медиуми, организаторите и учесниците беа нападнати, а протестите беа претставени како дел од „скриена агенда“. Националната телевизија Алфа и неколку портали блиски до власта се обидоа да ги дискредитираат настаните, но нивните обиди имаа спротивен ефект.

Молкот зборуваше гласно

На 18 март, илјадници граѓани се собраа на плоштадот во Скопје. Со едночасовен молк и транспаренти кои носеа пораки за правда и одговорност, тие испратија силна порака. Ниту еден инцидент не го наруши достоинството на настанот, а молкот на присутните одекна низ целата земја.

Полицијата вечерта предизвика дополнителни контроверзии со приведувањето на новинарски екипи од ТВ21 и агенцијата Ројтерс, обвинувајќи ги за користење дронови за снимање. Овој чин предизвика осуда од новинарските здруженија и јавноста.

Марш за правда

На 24 март, иницијативата „Кој е следен?“ организираше марш низ улиците на Скопје. Илјадници граѓани од Плоштадот „Македонија“ маршираа до Парламентот и Владата, каде што повторно беше побарана кривична и морална одговорност. Настанот се одвиваше во мирна и организирана атмосфера, а граѓаните уште еднаш го покажаа своето единство.

Нови активности на повидок

За утре, сабота, иницијативата најави нов јавен настан пред Собранието на Република Македонија. Граѓаните се повикани повторно да го искажат својот револт и да побараат правда. Се очекува уште поголема масовност, додека јавноста останува будна и решена да не дозволи трагедиите да останат без одговорност.

Граѓанскиот глас станува се посилен, испраќајќи порака дека нема да биде замолчен.