ВЛЕН: ДУИ e алатка на Белград и промотор на српскиот капитал во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВЛЕН: ДУИ e алатка на Белград и промотор на српскиот капитал во Македонија

20 август 2025

• од Станча Јаќимовски

Демократската унија за интеграција (ДУИ) одамна престана да биде политичка сила што ги брани интересите на Албанците во Македонија. Наместо тоа, под нејзино водство, државата стана отворена врата за сомнителен српски и црногорски капитал, со што се создаде сериозна закана од политичко и економско влијание на Белград.

Влезот на МТЕЛ и српскиот капитал

Во јули 2021 година, кога Бујар Османи ја извршуваше функцијата министер за надворешни работи, а клучните економски ресори беа во рацете на луѓе блиски до лидерот Али Ахмети, ДУИ даде зелено светло на српската компанија МТЕЛ да влезе на македонскиот пазар. Според Влен, без нивна поддршка оваа компанија немаше да добие лиценца за работа во земјата.

Истата влада, под влијание на ДУИ, ја отвори и вратата за српскиот и црногорскиот организиран криминал во индустријата на казината. Од три доделени лиценци, две завршија во рацете на сомнителни компании од Србија и Црна Гора.

Дипломатски врски со Белград, а не со Приштина

Документирани се најмалку 11 средби на Бујар Османи со српски функционери, додека во истиот период нема ниту една средба со претставници од Косово. Како претседавач на ОБСЕ, неговата политика често се усогласуваше со интересите на Белград, на штета на Приштина. Тоа, според критичарите, е јасен доказ дека ДУИ не ги застапува албанските национални интереси, туку функционира како продолжена рака на српската дипломатија.

Политика на уцени и блокади

Во 2025 година, ДУИ отворено почна да ја дестабилизира државата преку политика на уцени и блокади. Овој пристап, велат од Влен, не служи на интересите на Албанците и на Македонија, туку единствено на Србија, со што директно се загрозува евроатлантската ориентација на земјата.

Продадено достоинство за клански интереси

ДУИ ја доведе Македонија во ситуација во која „српскиот свет“ влезе во срцето на земјата – преку економијата, казината и политичките договори. Османи, според критичарите, работеше во интерес на Белград, а против Косово.

„ДУИ повеќе не е обединувачка сила за развој, туку партнер на српската политика која има за цел да ја ослабне и дестабилизира Македонија“, се наведува во соопштението на Влен.

Алтернатива во евроатлантските вредности

Влен јавно се обврзува дека ќе продолжи јасно и гласно да застанува против оваа антидржавна агенда, бранејќи ги евроатлантските вредности и националните интереси на Албанците во Македонија.

Соопштение на ВЛЕН