ВЛЕН поднесува кривична пријава за манипулација со бројот на Албанците на пописот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВЛЕН поднесува кривична пријава за манипулација со бројот на Албанците на пописот

03 јули 2025

• од Станча Јаќимовски

Коалицијата ВЛЕН најави дека ќе поднесе кривична пријава до Основното јавно обвинителство – Скопје против тогашното раководство на Државниот завод за статистика, како и против одговорни лица од поранешната Влада предводена од ДУИ и СДСМ, поради сомнеж за политичко договарање и фалсификување на резултатите од Пописот на населението во 2021 година.

„Се сомневаме дека со овој чин е извршено кривично дело злоупотреба на службена положба и овластување, согласно член 353 од Кривичниот законик“, изјави Фатмир Сабриу, претставник на ВЛЕН.

Од коалицијата обвинуваат дека преку политички договори бројот на Албанците во многу села, населени места и градови бил свесно и драстично намален, што, според нив, има далекусежни последици. „Албанците губат индивидуални и колективни права загарантирани со Уставот, како што се правото на вработување, политичка застапеност и јазична еднаквост“, наведе Сабриу.

Дополнително, ВЛЕН посочува дека последиците се чувствуваат и на институционално ниво, бидејќи државни органи распределуваат средства и фондови врз основа на „погрешни и намалени бројки“, со што, како што велат, се оштетуваат граѓаните во многу општини.

ВЛЕН го аргументира својот сомнеж и со неодамнешни изјави на високи функционери на ДУИ, кои, според нив, признале дека „пописот бил во рамки на договореното“, што дополнително, велат од коалицијата, ја потврдува политичката режија зад пописната операција.

„Ја преземаме оваа иницијатива во одбрана на законитоста, еднаквоста и реалната статистичка слика на државата. Очекуваме Основното јавно обвинителство веднаш да отвори предмет, да ги обезбеди сите материјални докази и да спроведе темелна истрага“, нагласи Сабриу.

Тој порача дека нема да има компромис кога станува збор за достоинството и бројноста на албанската заедница. „Борбата за вистината започнува сега и ќе ја истуркаме до крај, во интерес на сите граѓани на Република Северна Македонија“, заклучи претставникот на ВЛЕН.