ВМРО-ДПМНЕ доминира во првиот изборен круг, СДСМ, НАИ и ВРЕДИ со по една победа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВМРО-ДПМНЕ доминира во првиот изборен круг, СДСМ, НАИ и ВРЕДИ со по една победа

20 октомври 2025

• од Станча Јаќимовски

Во прв круг избрани 11 градоначалници – ВМРО-ДПМНЕ со осум победи, СДСМ, НАИ и ВРЕДИ со по една

Според целосно обработените резултати од локалните избори, во единаесет општини градоначалниците се избрани уште во првиот круг. Најуспешна партија е ВМРО-ДПМНЕ, чии кандидати победија во осум општини, додека СДСМ, НАИ и ВРЕДИ имаат по еден градоначалник.

Од редовите на ВМРО-ДПМНЕ победници се Славе Андонов во Василево (73,97%), Коста Маневски во Зелениково (57,19%), Ѓорѓе Божинов во Ново Село (58,86%), Александар Китански во Пехчево (52,47%), Спасе Кочовски во Вевчани (55,83%), Киро Нацков во Градско (71,92%), Никола Најдовски во Демир Хисар (53,91%) и Димитар Костадиноски во Јегуновце (58,32%).

Покрај нив, во прв круг победија и Блаже Шапов од СДСМ во Богданци (50,03%), Даут Мемиши од ВРЕДИ во Теарце (54,60%) и Алија Јаоски од НАИ во Пласница (64,45%).

Во девет општини следува втор круг, бидејќи ниту еден кандидат не освои повеќе од половина од гласовите. Меѓу нив се Дојран, Македонска Каменица, Могила, Ранковце, Чешиново-Облешево, Лозово, Росоман, Боговиње и Дебар, каде кандидатите со највисок резултат ќе се соочат повторно.

Изборите ќе се повторат во три општини – Маврово и Ростуша, Врапчиште и Центар Жупа – поради недоволна излезност на гласачите, односно неизполнување на законскиот цензус од една третина од запишаните гласачи. Најниска излезност е забележана во Центар Жупа со само 21,49%.