ВМРО-ДПМНЕ не го поддржа предлог-законот за помош на жртвите од трагедијата во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВМРО-ДПМНЕ не го поддржа предлог-законот за помош на жртвите од трагедијата во Кочани

14 мај 2025

• од Вардарски

Пратениците од ВМРО-ДПМНЕ денес не гласаа и не го поддржаа предлогот на СДСМ на дневен ред во Собранието да се стави Законот за помош на семејствата на загинатите и повредените во трагедијата што неодамна се случи во Кочани.

Предлог-законот, инициран од страна на СДСМ, беше претставен како морална, институционална и човечка обврска на државата. Пратеникот на СДСМ, Оливер Спасовски, нагласи дека станува збор за одговорност која не смее да биде прашање на политички калкулации, туку на основна солидарност со граѓаните кои се соочуваат со тешки загуби.

– „Со овој закон сакаме институциите конечно да застанат зад народот. Животот го загубија 62 лица, а над 250 беа повредени. Обештетување од 80.000 евра во денарска противвредност е предвидено за секое семејство кое загуби близок, а поддршка ќе добијат и оние што се здобија со инвалидитет. Покрај тоа, државата ќе ги покрива трошоците за здравствени услуги и рехабилитација, дома и во странство“, изјави Спасовски.

Законот содржи и социјални мерки, меѓу кои и право на неплатено отсуство за родители на повредени деца, како дел од измените во трудовото законодавство.

И покрај апелот до сите пратеници – без разлика на политичката припадност – да се обединат во поддршката за граѓаните и нивното закрепнување по трагедијата, ВМРО-ДПМНЕ не даде поддршка за законот ниту дозволи тој да се најде на дневен ред. Овој потег предизвика критики од страна на СДСМ, кои сметаат дека институциите мора да ја покажат својата подготвеност да бидат покрај народот во најтешките моменти.

Трагедијата во Кочани ја потресе целата држава, а несогласувањето околу поддршката на жртвите отвори нови прашања за политичката зрелост и одговорност на македонските институции.