Во Берово и Пехчево откриена криминална група: пронајдени 185.000 евра и 318.000 денари, приведени 15 лица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Во Берово и Пехчево откриена криминална група: пронајдени 185.000 евра и 318.000 денари, приведени 15 лица

20 септември 2025

• од Станча Јаќимовски

На 18 и 19 септември 2025 година, полицијата спроведе голема акција во Берово и Пехчево, со која беше разбиена организирана криминална група инволвирана во серија тешки кривични дела. Акцијата се реализираше од страна на Одделот за сузбивање на организиран и сериозен криминал, во координација со повеќе полициски единици и под раководство на Основното јавно обвинителство за гонење на организиран криминал и корупција.

Претреси и заплени

Со наредби на Основниот кривичен суд, извршени беа претреси на повеќе локации во Берово и една во Пехчево. При акцијата, лишени од слобода се 15 лица, меѓу кои имало и службеници од Министерството за внатрешни работи, од ЈП „Национални шуми“ – подружница „Малешево“, како и од Министерството за земјоделство, шумарство и водостопанство.

Во претресите биле пронајдени и одземени:

околу 185.000 евра
318.000 денари
повеќе мобилни телефони и документација
две ловечки пушки и воздушна пушка
75 куршуми калибар 12 мм
други предмети поврзани со криминалните активности.

Кривични пријави

Единицата за финансиски криминал поднесе кривична пријава против сите 15 лица, како и против едно правно лице од село Двориште, Берово. Дела кои им се ставаат на товар се:

„злосторничко здружување“
„пустошење на шуми“
„давање поткуп“
„примање поткуп“
„злоупотреба на службена положба и овластување“.

Меѓу осомничените има организатори на нелегалната сеча, службени лица кои овозможувале транспорт и продажба на нелегално исечената дрвна маса, како и лица кои давале или примале поткуп за да се прикријат криминалните активности.

Начин на дејствување

Истражните органи утврдиле дека групата, покрај легалната сеча во регионот на Берово, вршела и масовна нелегална сеча, транспорт и продажба на дрвна маса. Вработени во „Национални шуми“ овозможувале нелегалната дрвна маса да биде пуштена во промет со фалсификувана документација, а за возврат добивале паричен надоместок.

Некои од пријавените лица, пак, давале информации за движење на полициските патроли за да се избегне контрола, а други директно учествувале во бесправната сеча и транспорт на дрвата.