Во среде Скопје: Српската историчарка Јасмина Ќириќ ги прогласи македонските цркви во Повардарието за „српско културно наследство“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Во среде Скопје: Српската историчарка Јасмина Ќириќ ги прогласи македонските цркви во Повардарието за „српско културно наследство“

15 јуни 2026

• од Темелко Тошев

Невиден скандал и директен напад врз македонското културно-историско наследство се случи викендов во главниот град! Српската историчарка Јасмина С. Ќириќ, без трошка срам, среде Скопје одржа предавање во кое најубавите и најзначајните средновековни македонски цркви и манастири ги прогласи за – српски!

Што се случи?

На 13 јуни, со почеток во 20 часот, во просториите на Српскиот културен центар „СПОНА“ во Скопје (ул. Кирил и Методиј бр. 30) се одржа предавање насловено „Фасадите на српските цркви од 14 век во Повардарието и нивното место во доцновизантиската архитектура“. Да, добро прочитавте – српски цркви во Повардарието!

Според најавата и содржината на предавањето, македонската територија е отворено именувана како „некогашна јужна област на средновековната српска држава, денес на територијата на Северна Македонија“. Но, она што предизвикува најголем револт е списокот на македонски духовни светилишта кои историчарката ладнокрвно ги присвојува како „монументални споменици на српската архитектура“.

Списокот на присвоени македонски светилишта

На нејзината скандалозна листа се најдоа некои од најзначајните бисери на средновековната архитектура во Македонија:

Марковиот манастир
Манастирот Свети Андреја на Треска (Матка)
Манастирот Свети Ѓорѓи во Старо Нагоричане
Лесновскиот манастир
Црквата Свети Никола во Љуботен
Црквата Свети Никола во Псача
Манастирот Матејче
Црквите Свети Спас и Воведение на Богородица во Кучевиште
Црквата Свети Никита кај Чучер

Под превезот на науката се краде историјата

Историчарката Ќириќ го искористила предавањето за да анализира како локалните протомајстори од 14 век ги создавале фасадите со комбинација на камен и тула, шаховски полиња, меандри и цик-цак орнаменти. Но, наместо да се зборува за византиското наследство и уникатниот локален македонски градителски стил, сè е спакувано во тезата за некакво „оригинално градителско решение на српската архитектура во Повардарието“ која наводно ги надминала византиските примери.

„Српската архитектура во Повардарието изнедрила единствени форми кои претставуваат едно од најзначајните поглавја на доцновизантиската архитектура на Балканот,“ тврди Ќириќ.

Каде се институциите?

Додека отворено ни ја прекројуваат историјата и си го присвојуваат нашето културно наследство буквално во центарот на Скопје, надлежните институции молчат! Дали Министерството за култура, Заводот за заштита на спомениците и домашните историчари ќе реагираат на ова скандалозно предавање каде едни од најважните македонски споменици на културата се декларирани како туѓи?

Останува да видиме дали овој културен и историски инцидент ќе помине неказнето или конечно некој ќе застане во одбрана на македонските вековни светилишта!

Извор: https://srbi.org.mk/a/v/fasade-srpskih-crkava-xiv-veka-u-povardarju-i-nihovo-mesto-u-poznovizantijskoj-arhitekturi-odrzano-predavane-jasmine-s-ciric-u-centru-spona-u-skoplu