Вработените во Зоолошка и Град Скопје без плати

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Вработените во Зоолошка и Град Скопје без плати – кој е виновен?

03 мај 2025

• од Вардарски

Вработените во Зоолошката градина и во Град Скопје веќе со месеци се без плата, а ситуацијата станува сè поалармантна. Околу 50 луѓе од овие институции алармираат дека немаат земено ниту денар од март, а со тоа останале и без здравствено осигурување. Дополнително, велат дека се изложени на притисоци од страна на раководствата.

Раководителот на Синдикатот на вработените во Зоолошката градина јавно изјави дека нивната состојба е критична, бидејќи освен што немаат примено плата, ги загубиле и основните права како здравственото осигурување.

Во нивна поддршка застана и претседателот на СОНК, Јаким Неделков, кој ја потврди информацијата дека проблемот не се однесува само на Зоолошката градина, туку и на вработените во Град Скопје.

Од друга страна, директорот на Зоолошката градина, Зоран Попов, преку официјално соопштение на веб-страницата на установата, ја обвини вината кон Министерството за култура. Според него, токму од министерството добиле инструкции за незаконско пресметување на мартовската плата, што, како што вели, е спротивно на колективниот договор.

Министерството за култура и туризам, пак, во својата изјава вели дека целата документација за исплата на платите веќе била испратена од Град Скопје, оставајќи го прашањето каде точно „запнал“ процесот.

Јавноста со внимание го следи развојот на оваа ситуација, а вработените бараат што поскоро решавање на проблемот и исплата на заостанатите плати.