Вреди: Поради ДУИ Албанците денес се 24,3% наместо 29,5%

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Вреди: Поради ДУИ Албанците денес се 24,3% наместо 29,5%

22 август 2025

• од Станча Јаќимовски

Коалицијата Вреди остро реагираше на изјавите на потпретседателот на ДУИ, Арбер Адеми, кој денеска зборуваше за неправдите во пописот и за исклучувањето на Албанците од правично претставување. Според Вреди, токму ДУИ е главниот виновник за актуелната состојба, бидејќи тие го подготвиле, изгласале и спровеле пописот кој довел до намалување на официјалниот број на Албанци во Македонија.

„ДУИ ја направи штетата“

„ДУИ го подготви Законот за попис. Министерот за надворешни работи Бујар Османи, првиот вицепремиер Артан Груби, министерот за финансии Фатмир Бесими и целата владина структура на ДУИ беа тие што го креираа и го предложија Законот. Арбер Адеми и пратениците на ДУИ го изгласаа Законот, а денес истиот човек што гласаше за законот излегува и зборува против неговите последици“, наведуваат од Вреди.

Од таму обвинуваат дека ДУИ внесла „најголема аномалија“ во пописот со нови графи за попишување кои, според нив, „ги нема никаде во светот“ и со тоа се овозможило Албанците да бидат третирани како туѓинци во сопствената држава.

Намалени проценти поради компромиси

Во реакцијата се нагласува дека поради „свесните компромиси на ДУИ“ Албанците денес, наместо да се прикажуваат како 29,5%, се сведени на 24,3% од вкупното население.

„Одговорноста е јасна бидејќи никој друг, освен ДУИ, нема вина за ваквата состојба. Десетици предупредувања од експерти и граѓански организации беа игнорирани, само за да се задоволат личните и партиските интереси на раководството на Али Ахмети“, стои во соопштението.

Вреди со прашања за одговорност

Коалицијата прашува дали Арбер Адеми дури сега ја разбира штетата што ја предизвикале врз Албанците, и дали лидерите на ДУИ – Бујар Османи, Али Ахмети и Арбер Адеми – конечно ќе признаат дека ја измамиле дијаспората и нерезидентните Албанци.

„Дали Ахмети ќе преземе одговорност за оваа историска измама?“ – прашуваат од Вреди.