Заев со остар одговор до Мицкоски: Небулози и клевети за да се прикрие катастрофата во државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Заев со остар одговор до Мицкоски: Небулози и клевети за да се прикрие катастрофата во државата

06 октомври 2025

• од Станча Јаќимовски

Поранешниот премиер и лидер на СДСМ, Зоран Заев, остро реагираше на изјавите на премиерот Христијан Мицкоски, обвинувајќи го дека користи „небулози, клевети и навреди“ за да се оправда за, како што вели, „катастрофата која ѝ ја нанесува на целата држава“.

Во објава на својот Фејсбук-профил, Заев наведува дека неспособноста на Мицкоски да испорача резултати во која било област е маскирана со ароганција и самобендисаност.

„Неспособноста да испорача макар и еден единствен резултат во која било сфера од општеството и политиката, залиена со неговата самобендисаност и аздисаност, ќе го турне во политичка провалија. Но, ќе мораме да внимаваме да не ни ја повлече и државата со себе во таа провалија,“ напиша Заев.

Отфрлање на „куферите со пари“

Заев категорично ги демантира обвинувањата од Мицкоски за наводни „куферчиња со пари од поранешен бугарски премиер“, оценувајќи ги како „лажни и очајни обиди“ на актуелниот премиер да го одвлече вниманието на јавноста од сопствените неуспеси.

„Најостро и категорично ги отфрлам лагите и клеветите од Мицкоски... Тоа се невистини и очаен обид на неспособниот премиер да го пренасочи вниманието на јавноста од неговите неуспеси кон неговите измислици,“ истакнува Заев.

„Експерти за куфери“

Во продолжение, поранешниот премиер потсети на видеоснимки што, според него, ги објавиле самите луѓе од власта, во кои, како што наведува, се гледаат „вистинските експерти за куфери со пари“.

„Видовме во снимките што сами си ги пуштија во јавност дека експерти за куфери со пари се токму неговите поддржувачи и финансиери. Оние за кои се фалеше дека му ги плаќале сметките за струја во Белата палата, оние несудени бугарски конзули и осудени криминалци,“ напиша Заев.

Со оваа објава, Заев испраќа силна политичка порака до јавноста и обвинува дека владата на Мицкоски се обидува да го сокрие недостатокот на резултати зад, како што вели, „лажни приказни и обиди за дискредитација“.