Закани со убиство и палење куќа за 1.000 евра: три апсења за изнуда во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Закани со убиство и палење куќа за 1.000 евра: три апсења за изнуда во Скопје

20 септември 2025

• од Станча Јаќимовски

Основното јавно обвинителство Скопје отвори истрага против тројца осомничени за кривично дело изнуда, по член 258 од Кривичниот законик. Случајот се однесува на сериозни закани и уцени извршени во главниот град.

Закани и прво апсење

Во периодот од 16 до 18 септември, првоосомничениот се претставувал како припадник на криминална група. Тој барал од едно лице да му исплати 1.000 евра за наводна „заштита“ од други лица кои претходно го рекетирале. Притоа, му се заканувал дека ќе го убие и ќе му ја запали куќата доколку случајот го пријави во полиција.

Исплашениот граѓанин првиот ден предал 30.000 денари, колку што успеал да подигне од банкомат. Но, подоцна сепак ја известил полицијата. При организираната акција за примопредавање на остатокот од парите, банкнотите биле крим-технички обработени, а осомничениот бил уапсен на лице место. Кај него биле пронајдени парите.

Учеството на уште две лица

Истражните органи утврдиле дека во рекетирањето учествувале и уште двајца осомничени. Тие, во текот на август и септември, во повеќе наврати земале пари од истото лице. Го убедувале дека средствата се наменети за „други лица“ кои ќе го заштитат неговото семејство. На тој начин, оштетениот бил присилен да исплати вкупно 27.000 евра.

Предлог мерки

Обвинителството до судијата на претходна постапка поднесе предлог за притвор на првоосомничениот, кој беше фатен на лице место. За другите двајца побарани се мерки на претпазливост – задолжително јавување во суд и забрана за приближување до оштетениот и неговото семејство.