05 август 2025
• од Станча Јаќимовски
Заменик-директорот на ЈП „Национални шуми“, Кирил Михаилов, со своја изјава во вестите на телевизија Сител предизвика бурни реакции и многу прашалници во јавноста.
Михаилов рече дека во изминатите шест месеци видел „сешто“ на терен, посочувајќи дека во одредени случаи пожарите се ширеле и преку запалено глувче, запалена опашка на лисица, па дури и преку инсекти – потенцијално и вештачки направени.
„Јас во текот на овие шест месеци видов сешто – од глувче запалено кое ни пренесе пожар, до лисица со запалена опашка во Велешко која направи страшна работа. Така да, скакулците би сакал да ги продискутираме. Ми се јавија неколку професори коишто ми кажаа дека постојат такви вештачки бубачки кои навистина може да пренесуваат пожари. Можеби треба да се направи добра анализа“, изјави Михаилов.
Иако најголем дел од пожарите, според него, се предизвикани од човечки фактор (намерно или ненамерно) – оваа изјава особено делот за „вештачките инсекти“ брзо се прошири на социјалните мрежи и наиде на реакции од експертската јавност.
Еден од нив е екологот и професор по биологија, Кирил Арсовски Пржо, кој ја демантираше оваа изјава на својот Фејсбук профил.
„Запалени инсекти и животни не може да предизвикаат пожар – биолошки и физички. А за вештачки инсекти... немам коментар. Срамота“, напиша Арсовски.
Изјавата на Михаилов отвори дебата – дали институциите работат врз основа на научни факти или просторот се остава и за сензационализам. Во време кога земјата се соочува со сериозни пожари, ваквите тврдења дополнително ја поларизираат јавноста и го привлекуваат вниманието на социјалните мрежи.
Ненадминливи Понуди Дневно
4.8 (10276 рецензии)
Заштедете 152.00 ден

