Затворени девет новогодишни куќарки во струшката чаршија поради сериозни хигиенски пропусти

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Затворени девет новогодишни куќарки во струшката чаршија поради сериозни хигиенски пропусти

25 декември 2025

• од Станча Јаќимовски

Агенцијата за храна и ветеринарство (АХВ) времено затвори девет новогодишни куќарки лоцирани во градската чаршија во Струга, откако при вонреден инспекциски надзор биле утврдени сериозни прекршувања на хигиенските и законските стандарди за подготовка и продажба на храна.

Контролата била спроведена на 22 декември, при што инспекторите констатирале дека објектите воопшто не ги исполнуваат основните услови за безбедно работење. Утврдено е дека куќарките не биле поврзани на градската водоводна мрежа, не била извршена задолжителната дезинфекција, дезинсекција и дератизација (ДДД), а лицата кои ракувале со храна немале направено задолжителни здравствено-санитарни прегледи.

Дополнително, инспекцијата утврдила и непочитување на правилата за добра производствена и добра хигиенска пракса, што претставува сериозен ризик за здравјето на потрошувачите.

За констатираните неправилности, на угостителите им се изречени парични казни во износ од по 200 евра во денарска противвредност. Истовремено, издадени се решенија за времена забрана за вршење на дејноста, кои ќе останат на сила сè додека не се исполнат сите законски услови за работа. Издадени се и налози за пријавување на куќарките во АХВ како оператори со храна.

Од Агенцијата порачуваат дека заштитата на здравјето на граѓаните е приоритет и најавуваат дека инспекциските контроли ќе продолжат и во наредниот период, со цел да се обезбеди безбедна и квалитетна храна за сите потрошувачи.