Здружението на Бугарите – Југ Прилеп со остра реакција по нападот врз новинарот Владо Перев

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Здружението на Бугарите – Југ Прилеп со остра реакција по нападот врз новинарот Владо Перев

24 ноември 2025

• од Станча Јаќимовски

Здружението на Бугарите – Југ Прилеп најостро го осуди вчерашниот вербален и физички напад врз новинарот и долгогодишниот активист на бугарската заедница во Македонија, Владо Перев. Инцидентот, како што посочуваат од здружението, не е изолиран случај, туку уште еден „алармантен пример за долгогодишната атмосфера на притисок и нетолеранција кон Бугарите во државата“.

Според нивната официјална реакција, Перев бил нападнат на јавен простор, притоа изложен на навреди и закани поради неговата бугарска самосвест. Од здружението сметаат дека ваквиот чин јасно покажува дека говорот на омраза и дискриминацијата кон Бугарите „сè уште се толерираат и често остануваат без соодветна санкција“.

Во реакцијата се нагласува дека институциите имаат обврска да реагираат „брзо, транспарентно и решително“, бидејќи секое релативизирање на ваков напад би можело да охрабри нови, уште поопасни инциденти.

„Бугарската заедница во Македонија не бара ништо повеќе од она што ѝ следува по закон – заштита, почит и право слободно да го изразува својот идентитет“, стои во соопштението.

Од Здружението на Бугарите – Југ Прилеп му изразуваат целосна поддршка на Владо Перев, како и на сите граѓани кои, како што велат, секојдневно се соочуваат со притисоци поради својата бугарска определба. Тие веруваат дека само со јасна институционална реакција може да се испрати порака дека омразата кон Бугарите нема да биде прифатена како нормална појава во општеството.

Во завршницата од соопштението, здружението најавува дека ќе продолжи да се залага за достоинство, еднаквост и почит „онака како што доликува на современа европска држава и на заедница која отсекогаш била дел од овој регион“.