Зеленски: Русија мора да ги почувствува санкциите толку силно што да нема војна следната година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Зеленски: Русија мора да ги почувствува санкциите толку силно што да нема војна следната година

27 јули 2025

• од Станча Јаќимовски

Претседателот на Украина, Володимир Зеленски, во своето вечерно обраќање порача дека Русија треба да ги почувствува санкциите толку силно, што ќе изгуби секаква можност и мотивација да продолжи со војната. Според него, санкцискиот притисок веќе носи резултати, но е потребно уште поголемо дејствување.

„Имаше презентација на важни разузнавачки извештаи. Службата за надворешно разузнавање ја прикажа ефикасноста на санкциите против Русија и против лицата поврзани со неа. Економските загуби на непријателот се навистина чувствителни, и ќе станат уште поосетни. Сакам да им се заблагодарам на сите во светот кои ни помагаат. Сега е моментот да извршиме притисок врз Русија – таков притисок што следната година да нема војна“, истакна Зеленски.

Тој додаде дека санкциите треба сериозно да го ограничат капацитетот на Русија да води војна и дека Кремљ мора да разбере оти нема да може долгорочно да издржи.

Зеленски извести дека имал разговори и со Главната управа за разузнавање, како и дека украинската дипломатија активно комуницира со меѓународните партнери. Тој дал насоки до секретарот на Советот за национална безбедност и одбрана поактивно да обезбедува надворешно финансирање за набавка на беспилотни летала (дронови). Исто така, го задолжил и министерот за одбрана и другите функционери да ги проверат сите договори со партнерите – особено оние кои не се исполнуваат целосно, иако би требало.

Иако на Москва ѝ се наметнати бројни санкции, нивното целосно дејство врз руската економија сè уште не е доволно силно. Се истакнува дека Русија наоѓа начини да ги заобиколи санкциите, како преку нови трговски партнери кои ги заменуваат западните фирми, така и преку продолжување на извозот на нафта, дизел и гас кон Европа. Дополнително, САД имаат издадено бројни дозволи за увоз на руски производи, вклучувајќи вештачки ѓубрива и нуклеарно гориво.

Украина инсистира дека доколку светот сака вистински да го запре агресорот, неопходно е поцврсто, поорганизирано и доследно спроведување на санкциите – се додека Русија не остане без капацитет за војна.