ЖЕРНОВСКИ: Додека глумат „патриоти“ со закони, Владата е преполна со потпишани Бугари!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЖЕРНОВСКИ: Додека глумат „патриоти“ со закони, Владата е преполна со потпишани Бугари!

23 април 2026

• од Темелко Тошев

„Поминаа месеци во молк, но документите не лажат. Власта на Мицкоски се обидува да ја дефокусира јавноста со нови закони во Парламентот, само за граѓаните да не погледнат во министерските фотелји каде седат луѓе со бугарска самосвест“ – изјавува Андреј Жерновски.

Во својата последна реакција, Жерновски упатува остра критика до актуелната власт, нарекувајќи ги нивните патриотски иницијативи „евтин параван“ за прикривање на личните интереси и сомнителни државјанства.

„Не гледајте во Владата – таму врие од бугарски пасоши“

Според Жерновски, новиот предлог-закон со кој на пратениците им се забранува двојно државјанство е чиста манипулација.

„На 'генијалците' им текна дека кога ја тераат јавноста да гледа кон Собранието, со тоа всушност порачуваат: НЕ ГЛЕДАЈТЕ ВО ВЛАДАТА! Зошто? Затоа што таму врие од Бугари, од пробугари и од луѓе кои потпишале дека Гоце Делчев е Бугарин само за да добијат пасош,“ вели Жерновски.

Мицкоски и Јанушев под лупа

Жерновски директно ги прозива првите луѓе на извршната власт за нивниот повеќемесечен молк:

Христијан Мицкоски: „Полни 8 МЕСЕЦИ премиерот одбива да ја демантира веста од бугарските медиуми дека во 2008 година поднел барање за бугарско државјанство кај конзулот Венцислав Цветанов. Да потсетам, за таа постапка се потпишува изјава за бугарско чувство. Дали премиерот се потпишал како Бугарин?“
Игор Јанушев: „Генералниот секретар веќе 12 МЕСЕЦИ молчи за неговото државјанство и за компанијата 'Флугбан Транс' во Ќустендил. Дали е точно дека пасошот го зел врз основа на 'длабоките бугарски корени' на неговиот прадедо?“
Сања Божиновска: „Министерката која веќе 20 МЕСЕЦИ 'се консултира со адвокат' за да одговори дали сè уште има бугарска самосвест, е само уште еден доказ за лицемерието на оваа гарнитура.“

Трагикомедија со потпис

„Нашите 'комити', кои се најгласни антибугари во јавноста, во фиоките ги чуваат документите за бугарско потекло. Тоа не е само комично, тоа е трагично за државата,“ дециден е Жерновски.

Тој завршува со предупредување дека вистината не може долго да се крие: „Гласините велат, а јас имам чувство, дека наведените документи наскоро ќе се појават во јавноста. Тогаш ќе видиме кој навистина го штити македонскиот идентитет, а кој само тргувал со него.“