Жерновски: Емигрантите ќе се движат слободно низ цела Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жерновски: Емигрантите ќе се движат слободно низ цела Македонија

11 декември 2025

• од Станча Јаќимовски

Прифаќањето емигранти без јасна стратегија и информации од институциите ќе ја направи државата сериозно небезбедна, предупредува Андреј Жерновски од СДСМ.

„Веќе слушаме детали дека за секој емигрант ќе се плаќаат по дваесет илјади фунти. Кои емигранти? Тие што Велика Британија одбива да ги прифати, а кои ќе се движат слободно низ нашата земја“, изјави Жерновски во гостување на „Телма“.

Според него, информациите што доаѓаат од британските власти и медиуми упатуваат дека овие лица нема да бидат сместени во контролирани кампови, туку ќе имаат право на слободно движење и користење работни места во Македонија. Таквата политика, оценува Жерновски, носи сериозни безбедносни ризици.

„Не зборуваме за емигранти кои ќе бидат сместени во кампови и чувани од обезбедување. Тие ќе бидат тука, меѓу нас. Не сакам моите деца, ниту децата на било кој граѓанин, да ги гледаат сцените што ги гледаме надвор – насилство, грабежи, криминал. Не сакам тоа да се случува во нашата земја,“ нагласи тој.

Жерновски посочи и дека процесот се одвивал без знаење или консултација со граѓаните, а државата не обезбедила транспарентни информации.

„Некој преговарал без да ги праша граѓаните, сам си дал право да решава за вакво прашање, а сега тоа излегува на површина. Бараме одговори – зошто ние, како македонски граѓани, треба да ја дознаваме вистината преку медиуми од друга држава, а не од сопствената влада која ги води преговорите?“ праша тој.

Тој додаде дека ова прашање бара итна реакција од институциите, бидејќи, еднаш кога ќе бидат примени, нема можност за враќање назад.