Жителите на Лагадин алармираат: По дивоградбата, инвеститорот сака да ја узурпира и плажата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жителите на Лагадин алармираат: По дивоградбата, инвеститорот сака да ја узурпира и плажата

07 септември 2025

• од Станча Јаќимовски

Здружението на граѓани за заштита на Лагадин денеска упати отворено писмо до министерот за транспорт и врски, Александар Николоски, со барање за итен инспекциски надзор. Причината е најавата на инвеститорот на спорниот хотел во населбата, Никола Толевски, дека планира да го заземе и просторот на плажата.

Долгогодишен проблем со хотелот

Жителите потсетуваат дека проблемот со објектот на компанијата „Дебој инженеринг“ трае со години. Според нив, хотелот е изграден со кршење на сите закони за градење во заштитениот крајбрежен појас и со игнорирање на препораките на УНЕСКО. Дополнително, во писмото тие го цитираат и поранешниот премиер Зоран Заев, кој уште во 2018 година за проектот изјавил: „за чичко Никола не може да биде ‘Не!’, мора да биде ‘Да!’“.

Низа незаконски интервенции

Според здружението, листата на нелегални активности на инвеститорот постојано се зголемува. Тие обвинуваат дека Толевски нелегално додал уште еден, петти кат на објектот, доградил дополнителни простории и тераси, а годинава узурпирал и дел од влезот во Лагадин со стеснување на улицата и заземање на две државни парцели.

„Иако против инвеститорот се поднесени повеќе кривични пријави за нелегално градење и узурпација на јавен простор, не само во Лагадин, туку и во Пештани, тој продолжува со однесувањето ‘Никој ништо не ми може’ уште од 2017 година“, реагираат жителите.

Барање за итна реакција

Здружението предупредува дека најавата за узурпација и на плажата претставува уште една сериозна закана за животната средина и охридското крајбрежје. Од министерот Николоски и градоначалникот тие бараат итно да се преземат мерки за спречување на какви било дополнителни интервенции околу дивоградбата.

„Потребно е да се спречат нови штети врз еколошкиот амбиент и да се заштити ова природно богатство од понатамошно уништување,“ порачуваат жителите на Лагадин.