Жителка на Аеродром: Комунална хигиена го бутна контејнерот и замина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жителка на Аеродром: Комунална хигиена го бутна контејнерот и замина

04 октомври 2025

• од Станча Јаќимовски

Граѓаните на Скопје сè погласно реагираат на состојбата со отпадот во градот. Иако јавните претпријатија редовно известуваат дека теренот се чисти, сликата на терен говори поинаку – преполни контејнери, ѓубре расфрлано околу нив и видлива негрижа.

Жителка на населбата „Џеваир“ во општина Аеродром се пожали дека вработените од ЈП Комунална хигиена – Скопје не само што не го исчистиле просторот околу контејнерите, туку, според неа, дури и го бутнале еден од контејнерите што го празни роботизиран камион.

„Фала на ЈП Комунална хигиена Скопје што ни ги бутна контејнерите и замина. Ова, според нив, е исчистено“, напиша таа, додавајќи дека ова не е првпат нивната улица да изгледа вака по заминувањето на комуналците.

„Исчистено“ само на хартија

Според жителите, работата на Комунална хигиена се сведува само на празнење на контејнерите, додека отпадот што останува околу нив често не се собира со денови. Ова предизвикува непријатна миризба, расфрлан смет низ улиците и создава жаришта на загадување, особено во потоплите денови.

Многумина сметаат дека ваквите сцени станаа секојдневие, а некои жители дури објавуваат фотографии на социјалните мрежи за да го привлечат вниманието на надлежните институции.

Управувањето со градот под лупа

Проблемот со хигиената во главниот град, според дел од граѓаните, никогаш не бил полош. Тие го поврзуваат тоа со начинот на кој се управува со јавните претпријатија откако со Скопје раководи градоначалничката Данела Арсовска и нејзиниот тим.

Иако од Град Скопје и од ЈП Комунална хигиена често потенцираат дека се преземаат активности за подобрување на чистотата, на теренот состојбата покажува дека има уште многу за да се постигне вистински резултат.