Албанскиот репрезентативец Манај: Денес се гордеат Албанија и Косово по победата над Србија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Албанскиот репрезентативец Манај: Денес се гордеат Албанија и Косово по победата над Србија

12 октомври 2025

• од Станча Јаќимовски

Реј Манај беше клучната фигура во победата на Албанија против Србија, постигнувајќи гол кој ѝ донесе три важни поени на репрезентацијата. По натпреварот, тој говореше за своите емоции, за вложениот труд и за значењето на оваа победа за тимот и навивачите.

„Еден од најубавите денови во мојот живот“

„Верувам дека денес е еден од најубавите денови во мојот живот,“ изјави Манај за „Supersport“.
„По натпреварот со Србија имаше коментари кои не ги заслужував, бидејќи сите ние имаме семејства – родители, сестри – и мораме да ги оставиме тие работи зад себе. Денес, цела Албанија и Косово се горди на нашата игра. Го оставивме срцето на теренот. Ни остануваат уште две натпревари, треба да останеме смирени и да се подготвиме најдобро за да го оствариме целта – пласман на Светското првенство.“

Повреда и поддршка од соиграчите

Манај откри дека уште во првото полувреме претрпел удар во коленото:
„Бев уморен и добив силен удар со копачка од метал. На мое место влезе Даку – му ја дадов мојата маица и ми порача да ве поздравам. И тој заслужуваше да започне, како и сите што не играа. Не е важно кој беше на теренот, важно е што Албанија победи.“

„Овие моменти се ретки и треба да се уживаат“

„Сакав да испратам посилна порака, но сме на телевизија и подобро е да не ја кажам. Сакам сите да ги уживаат овие моменти, затоа што вакви нешта се случуваат ретко, особено за фудбалерите. Игравме против нив и пред 11 години, а сега повторно успеавме да победиме. Фудбалот се менува брзо и треба да знаеме да ги цениме овие моменти,“ изјави напаѓачот.

Прославата на голот

Во однос на неговата прослава, Манај рече:
„Откако го постигнав голот, не сфатив ништо повеќе, дури не знаев дека имам жолт картон. Ми кажаа подоцна. Прославив со симболот на орелот – тоа беше природна реакција, не поради противниците или публиката, туку како израз на радост и гордост.“