Државата ќе им плаќа на луѓето ако се преселат да живеат и работат во мал град или село во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Државата ќе им плаќа на луѓето ако се преселат да живеат и работат во мал град или село во Бугарија

21 август 2026

• од Темелко Тошев

Бугарската држава најави финансиски стимулации за луѓето кои ќе одлучат да се преселат од големите градови во помали населени места.

Државата ќе даде пари на луѓе кои ќе се преселат во населени места со под 50.000 жители и таму ќе започнат со работа. Единствениот услов за кандидатите е да бидат на работоспособна возраст. Оваа мерка е дел од Компонента 2 од програмата „Избирам Бугарија“, со буџет од 15 милиони евра, соопшти бугарското Министерство за труд и социјална политика.

Мерката се финансира преку Програмата „Развој на човечки ресурси“, која е кофинансирана од Европската унија преку Европскиот социјален фонд плус.

Најмалку 1.050 учесници и нивните семејства ќе добијат стимулации за живот и работа доколку се преселат во помало населено место. Приемот на апликации започнува наесен, а аплицирањето ќе се одвива онлајн преку веб-страницата на Агенцијата за вработување.

Одобрените кандидати ќе можат да сметаат на различни финансиски стимулации кои се поврзани со започнување на работа во помалото населено место. Дел од стимулациите вклучуваат:

До 480 евра за преселба на мебел и покуќнина.
Додаток од 207,58 евра месечно за сместување.
Средства за транспорт до работното место.

Трошоците за преселба ќе бидат надоместени по презентирање на соодветен документ за трошокот. Овој трошок ќе биде вратен на еден член од семејството откако ќе ја задржи работата вкупно осум месеци во рамките на една година.

Учесниците кои ќе изберат населено место каде што немаат сопствен дом ќе добиваат додаток за сместување од 207,58 евра месечно во период до една година.