Филипче: Синдикалната кошничка достигна 70.000 денари, граѓаните не можат да преживеат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Синдикалната кошничка достигна 70.000 денари, граѓаните не можат да преживеат

21 август 2026

• од Темелко Тошев

Претседателот на СДСМ, д-р Венко Филипче, на денешната прес-конференција упати остри критики кон економските политики на актуелната Влада. Тој истакна дека најавената мерка на власта за нова „кошничка“ нема да им донесе реална помош на граѓаните, туку ја оцени како уште едно празно ветување и обичен ПР трик.

Според Филипче, граѓаните се наоѓаат во исклучително тешка состојба поради континуираниот раст на трошоците за основните потреби, вклучувајќи ги и поскапувањата на струјата и парното. Тој посочи дека актуелната минимална плата од 26.000 денари е далеку под минимумот потребен за нормален живот, додавајќи дека власта веќе неколку пати го одбива предлогот на СДСМ за нејзино зголемување на 600 евра.

„Кошничката достигна 70.000 денари. Ако кон тоа се додадат реалните трошоци за кирија или рата за станбен кредит, месечните трошоци на едно семејство надминуваат 90.000 денари. Луѓето едноставно не можат да преживеат“, предупреди Филипче.

Лидерот на опозицијата директно го критикуваше премиерот Христијан Мицкоски, обвинувајќи го за тотална неспособност да го заштити животниот стандард на граѓаните. Според него, премиерот нема капацитет ниту желба да ја води државата правилно и е фокусиран само на себе и на мала група луѓе околу него.

Осврнувајќи се на наративот на Владата, Филипче истакна дека граѓаните не ја избрале оваа власт за да слушаат споредби со економската криза од 2022 година, туку за да видат конкретни мерки.

Тој потсети дека за време на претходната криза, преку директни мерки кон граѓаните биле насочени дури 2 милијарди евра од буџетот. „Тогаш 600.000 семејства имаа субвенционирана струја, а имаше и посебни пакети за социјални случаи, студенти и пензионери. Кој денес доби некаков пакет за помош во оваа криза со поскапувањата? Никој“, заклучи Филипче.