05 февруари 2026
• од Станча Јаќимовски
Претседателката на Европска централна банка (ЕЦБ), Кристин Лагард, го поздрави гувернерот на Бугарска народна банка, Димитар Радев, по повод неговото прво учество на седница за монетарна политика на институцијата, откако Бугарија официјално се приклучи кон Еврозона.
„За мене е задоволство да го поздравам гувернерот на Бугарската народна банка, Димитар Радев, на неговата прва седница за монетарна политика, откако Бугарија се приклучи кон еврозоната пред нешто повеќе од еден месец“, напиша Лагард на социјалните мрежи.
Седницата на ЕЦБ започна денес, а утре се очекува да биде соопштена одлуката за каматните стапки, по што ќе следи редовната прес-конференција на претседателката на банката.
Оваа одлука има историско значење за Бугарија, бидејќи земјата за првпат официјално учествува во процесот на донесување одлуки во ЕЦБ како полноправна членка на еврозоната.
Бугарија се приклучи кон валутниот сојуз на 1 јануари 2026 година, а гувернерот на БНБ, Димитар Радев, веќе го зазеде своето место во Управниот совет на ЕЦБ. Од септември минатата година тој учествуваше на седниците на институцијата во својство на набљудувач.
Ненадминливи Понуди Дневно
4.8 (10276 рецензии)
Заштедете 152.00 ден

