Канада може да стане прва асоцијативна членка на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Канада може да стане прва асоцијативна членка на ЕУ

18 септември 2026

• од Гоце Кически

Европската Унија предлага Канада да стане нејзина прва „асоцијативна членка“, со што би се создал нов модел за поблиска соработка со демократски држави надвор од Европа. Деталите за новиот статус сè уште не се утврдени.

Претседателката на Европската комисија, Урсула фон дер Лајен, го претстави предлогот во Европскиот парламент. Планот предвидува подлабока соработка со Канада во одбраната, технологијата, енергетиката, критичните минерали и економската безбедност. Канадскиот премиер Марк Карни нагласи дека Отава не бара полноправно членство, туку посебно стратешко партнерство со ЕУ.

Ваков официјален статус во ЕУ досега не постоел. Доколку биде договорен, моделот би можел да стане основа за слични партнерства со други земји. Претседателката на Европскиот парламент, Роберта Мецола, изјави дека Австралија и Нов Зеланд исто така би можеле да бидат заинтересирани за ваков вид соработка.

Иницијативата, сепак, предизвика загриженост кај дел од земјите кандидати, особено на Западен Балкан. Нивни претставници стравуваат дека воведувањето нови форми на поврзување со ЕУ може дополнително да ја усложни дебатата за проширувањето и приемот на земјите кои со години чекаат членство.

Предлогот отвори и ново прашање во односите со Вашингтон. Американскиот претседател Доналд Трамп се закани со трговски мерки доколку договорот меѓу ЕУ и Канада биде насочен против американските интереси. Европската комисија, пак, порача дека партнерството не е насочено против друга држава, туку кон зајакнување на соработката меѓу Канада и Европа.