Младите во Македонија остануваат во родителскиот дом до 30,7 години, додека во ЕУ до 26,3 години

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Младите во Македонија остануваат во родителскиот дом до 30,7 години, додека во ЕУ до 26,3 години

18 септември 2026

• од Темелко Тошев

Младите во Македонија го напуштаат домот на своите родители на просечна возраст од 30,7 години, што е значително подоцна во споредба со младите во Европската Унија, кои се осамостојуваат на 26,3 години, покажуваат податоците на Евростат за 2025 година.

Според европската статистичка агенција, младите најдолго остануваат во семејниот дом во Хрватска (31,5 години), потоа во Грција и Словачка (по 30,9 години), како и во Шпанија и Италија (по 30,2 години). Спротивно на тоа, најрано се одвојуваат од родителите во Финска (21,4 години), Данска (21,8 години), и Естонија и Литванија (по 22,7 години).

Кога станува збор за нашиот регион, младите во Србија остануваат со своите родители до 30,1 година, во Босна и Херцеговина до 29,5 години, додека во Бугарија до 27,9 години.

Евростат забележува дека низ цела Европа постои тренд младите да остануваат подолго во родителските домови, а оваа појава е директно поврзана со стапката на вработеност.

Во 2025 година, стапката на вработеност кај младите на возраст од 20 до 29 години во ЕУ изнесувала 65,5%. Во повеќето земји каде што возраста на напуштање на родителскиот дом е под просекот на ЕУ, стапката на вработеност кај оваа возрасна група е над европскиот просек.

Како пример, во земјите каде што младите порано се осамостојуваат, како што се Холандија, Данска, Германија и Шведска, стапките на вработеност кај младите се повисоки. Од друга страна, во земјите каде што младите подоцна го напуштаат домот, како Грција, Хрватска, Шпанија и Италија, стапката на вработеност е пониска од просекот на ЕУ.

За споредба, во Македонија, стапката на вработеност кај младите во 2025 година изнесувала 50,2%, што дополнително го објаснува трендот на подоцнежно осамостојување.