Маѓар најавува нов почеток: Средба со Зеленски за подобрување на односите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Маѓар најавува нов почеток: Средба со Зеленски за подобрување на односите

28 април 2026

• од Тодор Вангелов

Новоизбраниот унгарски премиер во вторникот предложи средба со украинскиот претседател Володимир Зеленски, со цел „да се отвори ново поглавје во билатералните односи“ и да се реши долгогодишниот спор околу правата на етничките Унгарци во Украина.

Маѓар, по средбата со градоначалникот на украинскиот град Берегово во Будимпешта, соопшти дека предлага состанокот да се одржи на почетокот на јуни токму во тој град, кој има унгарско мнозинство.
„Целта е да се подобри положбата на Унгарците во Закарпатието и да им се овозможи да останат во својата татковина“, изјави тој.

Западниот украински регион Закарпатија е дом на значителна унгарска заедница. Односите меѓу двете земји се влошија во 2017 година, кога Киев усвои закон со кој украинскиот јазик стана главен јазик во средното образование. Будимпешта оцени дека со тоа се дискриминираат десетици илјади етнички Унгарци.

„Дојде време Украина да ги укине правните ограничувања што траат повеќе од една деценија и Унгарците во Закарпатието да ги повратат своите културни, јазични и образовни права“, нагласи Маѓар, додавајќи дека решавањето на овие прашања би можело да донесе нов почеток во односите меѓу двете земји.

Во меѓувреме, Зеленски во април ја посети западна Украина, каде што се сретна со претставници на унгарската заедница и им се заблагодари за нивната „издржливост и поддршка“.

ЕУ одобри 90 милијарди евра помош за Украина

Минатата недела Европската унија даде конечно одобрување за заем од 90 милијарди евра за Украина, откако Унгарија го повлече своето вето и стави крај на двомесечниот застој. Претходно, владата на Орбан ја блокираше одлуката, што предизвика остри реакции од другите европски лидери.

Пробивот дојде по објавата дека нафтоводот „Дружба“, преку кој Унгарија и Словачка добиваат руска нафта, повторно е во функција. Прекинот на испораките беше клучен фактор за унгарското вето.

Маѓар, кој се смета за поумерен политичар, најави дека сака подобрување на односите со Брисел и ќе разгледа можност за приклучување кон еврозоната. Тој исто така нагласи дека Унгарија треба да има пријателски односи со сите соседи, вклучително и Украина.

Сепак, новиот премиер истакна дека пристапувањето на Украина во ЕУ во следната деценија не е реално и се спротивставува на забрзан процес за членство.

„Ниту една земја нема право да бара од Украина да се откаже од своја територија. Секој што го предлага тоа, е предавник“, изјави Маѓар.