Обвинителството со 1.400 материјални докази за трагедијата во Кочани: Ќе се презентираат снимки, фотографии и документи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинителството со 1.400 материјални докази за трагедијата во Кочани: Ќе се презентираат снимки, фотографии и документи

28 април 2026

• од Темелко Тошев

Со извештаите од обдукциите на жртвите во пожарот во дискотеката „Pulse“, судењето за големата трагедија во Кочани утре влегува во нова, клучна фаза. По завршувањето на вербалните искази, Обвинителството започнува со презентација на обемната материјална документација која содржи вкупно 1.400 докази.

Како што пренесува Алсат, обвинителството планира преку документи, видео-материјали и фотографии да го состави „мозаикот“ на случајот врз кој се заснова обвинението против 35 лица.

Повеќе фактори довеле до смртта на 63 лица

На денешната средба со новинарите, предметните обвинители појаснија дека во фокусот на доказната постапка ќе бидат сите аспекти кои доведоа до кобниот исход. Според нивните тврдења, самиот пожар не бил единствената причина за смртта на 63 лица и повредувањето на над 200 гости. Клучни фактори биле и:

Густиот чад и отровните гасови;
Преголемата бројка на присутни (пренатрупаност);
Целосната неможност за евакуација на луѓето.

Обвинителството смета дека оваа трагедија не е изолиран инцидент, туку директна последица на долгогодишното непостапување на сите надлежни институции, кои имале законска должност да интервенираат превентивно, но тоа не го сториле.

Стратегија за ефикасност наспроти страв од одолговлекување

Со цел процесот да биде поефикасен, обвинителите најавија дека за секој доказ ќе биде дадено соодветно објаснување. При презентацијата на видео-материјалите, ќе се предлага гледање само на клучните секвенци, иако целосните снимки веќе и се доставени на одбраната на увид.

Сепак, постои сериозна загриженост за времетраењето на процесот. Неофицијално, адвокатите на обвинетите планираат да предложат над 400 сведоци, што би можело енормно да го завлече судењето. Од Обвинителството апелираат Судот да биде буден и да не дозволи намерно одолговлекување на правдата.

Широк временски опсег и високи казни

Обвинението за „Тешки дела против општата сигурност“ (член 292 од КЗ) го опфаќа периодот од самото отворање на дискотеката во 2012 година, па сè до ноќта кога објектот изгоре до темел на 16 март 2025 година. За ова дело е предвидена затворска казна до 20 години.

Покрај овој главен предмет, покренати се и други постапки поврзани со трагедијата: