АПЕЛ ОД ОПШТИНА ПРИЛЕП: Водата од овие две јавни чешми е забранета за пиење поради присуство на бактерии!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

АПЕЛ ОД ОПШТИНА ПРИЛЕП: Водата од овие две јавни чешми е забранета за пиење поради присуство на бактерии!

28 јули 2026

• од Темелко Тошев

Општина Прилеп упати итно предупредување до жителите на селата Ореовец и Леништа, откако најновите лабораториски анализи покажаа дека водата од локалните јавни чешми е здравствено неисправна и контаминирана со бактерии. Надлежните препорачуваат максимална претпазливост при користењето на овие водоснабдителни објекти.

Според официјалното соопштение од Општината, резултатите се алармантни за две локации:

Село Ореовец – Задолжително превривање на водата! Анализите на водата од локалниот водоснабдителен систем, односно од јавната чешма во центарот на Ореовец, покажале присуство на бактерии од цревно потекло и зголемен број бактериски колонии на 37 степени. Поради ова, Општината строго препорачува водата да не се конзумира без претходно вриење во траење од најмалку 10 минути.

Село Леништа – Водата воопшто да не се користи за пиење! Во центарот на селото Леништа ситуацијата е уште посериозна. Лабораториските наоди за јавната чешма потврдиле присуство на цревни бактерии и значително зголемен број на колонии на 22 и 37 степени. Надлежните апелираат водата од оваа чешма воопшто да не се користи за пиење.

Од Општина Прилеп нагласуваат дека веќе се разгледуваат опции за трајно надминување на овој проблем. За двата објекта е неопходно воведување на соодветно техничко решение кое ќе овозможи континуирана и редовна дезинфекција, со цел водата што поскоро да биде безбедна за секојдневна употреба од страна на жителите