Граѓаните во Македонија трошат вртоглави 3 милијарди евра годишно на коцкање

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Граѓаните во Македонија трошат вртоглави 3 милијарди евра годишно на коцкање

28 мај 2026

• од Темелко Тошев

Претседателот на Движењето „Антикоцкање“, Џемал Абдиу, во гостувањето во емисијата „Импакт“ сподели алармантни податоци во врска со бројот на граѓани кои се вклучени во игрите на среќа во земјава.

Тој истакна дека, паралелно со растот на бројот на објекти на казина и спортски обложувалници, евидентиран е и значителен пораст на бројот на граѓани кои се коцкаат, споредено со претходните периоди.

Покрај масовноста, Абдиу потенцираше дека особено загрижувачка е сумата на пари која граѓаните ја оставаат во овие објекти. Според неговите зборови, бројките драстично се зголемени.

„Според нивните тврдења, оваа држава опстојува од тие 280 милиони евра што тие ѝ ги даваат. Што сакам да кажам со ова – ако некогаш се трошеле околу 500 милиони евра, сега се зборува за приближно 3 милијарди евра годишен трошок. Што значи тоа? Три милијарди евра се извлекуваат директно од џебовите на граѓаните“, изјави Абдиу.

Дополнителен проблем на кој посочи првиот човек на Движењето „Антикоцкање“ е локацијата на овие објекти и нивната оддалеченост од училиштата, како и неспроведувањето на постоечката регулатива.

„Овие објекти се наоѓаат во непосредна близина на образовните институции. Има и уште нешто – закони може да се носат и да се усвојуваат, но доколку не постои цврста одлучност тие да се спроведуваат во практиката, сето тоа е чист неуспех“, заклучи Абдиу.