Приведен стружанец поради возење мотоцикл во алкохолизирана состојба и излетување од патот
На 9 мај 2025 година, околу 6:35 часот наутро, полициски службеници од ОВР Струга го привеле 36-годишниот И.М. од Струга, кој управувал мотоцикл под дејство на алкохол.
Инцидентот се случил пред казино во населбата „Плитишта“ во Струга, кога мотоциклистот излетал од патот. По преземените полициски мерки, било утврдено дека И.М. управувал со мотоциклот со 2,28 промили алкохол во крвта.
По целосното документирање на случајот, против И.М. ќе биде поднесена кривична пријава по член 297-а од Кривичниот законик за „безобѕирно управување со моторно возило“.
Од полицијата апелираат до граѓаните за совесно и одговорно учество во сообраќајот, посочувајќи дека ваквите прекршоци не само што се кривични дела, туку претставуваат и сериозна закана по безбедноста на сите учесници во сообраќајот.