Работевте како фриленсер или инфлуенсер во 2021? УЈП ги проверува приливите од странство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Работевте како фриленсер или инфлуенсер во 2021? УЈП ги проверува приливите од странство

24 октомври 2026

• од Темелко Тошев

Управата за јавни приходи почна да ги проверува приливите од странство остварени во 2021 година, вклучително и хонорарите на фриленсерите. Граѓаните добиваат известувања за можни неплатени обврски, но самата уплата од странство не значи автоматски дека станува збор за оданочлив доход, објави Рацин.мк.

УЈП ги споредува податоците добиени од банките со поднесените даночни пријави. Проверките може да опфатат и лица што примале плата или хонорар од странство, сезонски работници, студенти ангажирани во други држави и вработени во меѓународни компании и организации.

За оданочливите приходи важи стапка од 10 проценти, но конкретната обврска зависи од видот на приходот, даночниот статус на лицето и тоа дали данокот веќе бил платен во друга држава. Подароци, семејна помош и позајмици не се третираат како заработка ако може да се докаже нивната вистинска природа. За признавање данок платен во странство е потребна потврда од надлежниот даночен орган.

УЈП нагласува дека не воведува нов данок, туку проверува дали се исполнети постојните законски обврски. Во претходната фаза, за приливите од 2020 година, биле испратени 11.527 известувања. Кај 5.614 лица средствата биле утврдени како неоданочливи приватни трансфери, додека кај други биле поднесени доброволни пресметки или била утврдена обврска по службена должност.

Граѓаните што ќе добијат известување треба да ја проверат основата на уплатата и да ги приложат соодветните докази, како банкарски изводи, договори или потврди за подароци, позајмици и платен данок во странство. Известувањето само по себе не значи дека е утврден конечен даночен долг.