СДСМ: Ребалансот на Буџетот носи нови долгови, инфлација и кратења

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Ребалансот на Буџетот носи нови долгови, инфлација и кратења

05 јули 2026

• од Гоце Кически

СДСМ соопшти дека нема да го поддржи предложениот ребаланс на Буџетот, оценувајќи дека тој не нуди развој, повисоки плати и фискална стабилност, туку нови задолжувања и дополнителен товар за граѓаните.

На прес-конференција, членката на Извршниот одбор на СДСМ, Наташа Поповиќ, изјави дека ребалансот е признание за, како што рече, неуспешните економски политики на Владата. Според неа, со зголемувањето на буџетскиот дефицит од 3 на 4,1 проценти се отвора простор за нови задолжувања, додека јавниот долг до крајот на годината би можел да надмине 61,5 проценти од бруто-домашниот производ.

Од партијата тврдат дека Владата ги намалила очекувањата за економскиот раст од 3,8 на 3,1 процент, а истовремено ја зголемила проекцијата за инфлацијата од 2,5 на 4,5 проценти, што, според нив, ќе значи дополнителен раст на цените и намалување на куповната моќ на граѓаните.

Поповиќ посочи дека со ребалансот се кратат средства за противпожарна заштита, демографски политики, програми за млади, поддршка на инвестиции и капитални инвестиции во детската заштита. Таа оцени и дека постои ризик од недостиг на средства за социјални исплати и за финансирање на пензиите до крајот на годината.

СДСМ најави дека ќе поднесе амандмани со кои ќе бара повеќе средства за социјална заштита, здравство, образование, противпожарна заштита, одбраната и земјоделството. Од партијата порачаа дека Владата треба да ги намали сопствените трошоци и средствата да ги пренамени за потребите на граѓаните и стопанството.