СДСМ: Владата доцни со барањето за екстрадиција на Груевски по изјавата на унгарскиот премиер

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата доцни со барањето за екстрадиција на Груевски по изјавата на унгарскиот премиер

02 мај 2026

• од Никола Трајковски

СДСМ излезе со остро соопштение во кое ја обвинува Владата предводена од Христијан Мицкоски за одолговлекување на постапката за екстрадиција на поранешниот премиер Никола Груевски од Унгарија.

Според партијата, поминале три недели откако новиот унгарски премиер Петер Маѓар јавно изјавил дека Унгарија нема да биде „безбедна куќа“ за криминалци, при што експлицитно го споменал Груевски. Сепак, како што тврдат од СДСМ, македонските институции сè уште немаат поднесено официјално барање за негова екстрадиција.

„Од страна на Владата и Министерството за правда нема конкретен чекор. Ова отвора сериозни сомнежи за политичка калкулација и намерно одложување“, наведуваат од СДСМ.

Партијата директно го обвинува Мицкоски дека избегнува да се соочи со прашањето за враќањето на Груевски во земјата, стравувајќи од реакцијата во сопствените редови.

„Ако го апси – ќе се соочи со осуда од сопственото членство. Затоа, наместо да постапи, му остава простор на Груевски повторно да избегне правда“, стои во соопштението.

СДСМ дополнително алудира дека административните процедури намерно се одолговлекуваат, оценувајќи дека „документите или патуваат или се заглавени“, што, според нив, не е случајност, туку свесна заштита.

Од Владата засега нема официјален одговор на овие обвинувања. Јавноста очекува појаснување дали и кога ќе биде поднесено барањето за екстрадиција, особено во контекст на новата позиција на унгарските власти.

Политичките аналитичари оценуваат дека прашањето за Груевски повторно станува централна тема во домашната политика, со потенцијал да влијае врз односите меѓу власта и опозицијата во наредниот период.