ЕУ: Слободата на медиумите е темел на демократијата и мора да се заштити

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ: Слободата на медиумите е темел на демократијата и мора да се заштити

03 мај 2026

• од Тодор Вангелов

По повод Светскиот ден на слободата на медиумите 2026 година, Европска унија испрати силна порака дека независното новинарство е суштински столб на секое демократско општество и дека новинарите мора да бидат заштитени во секое време.

Во изјавата на Високиот претставник во име на ЕУ се нагласува дека демократијата не може да постои без слободни медиуми. Пристапот до информации и слободата на изразување не се луксуз, туку фундаментални човекови права загарантирани со меѓународното право.

ЕУ потенцира дека новинарите треба да можат да ја вршат својата работа без страв од насилство, заплашување, прогон или мешање. Ова е особено важно во конфликтни зони, каде медиумските работници играат клучна улога во откривање на реалноста на војната, вклучително и можни воени злосторства.

Според Унијата, глобалната состојба е загрижувачка. Убиствата, повредите, заканите и произволните притворања на новинари стануваат сè почести. Особено се истакнува дека 2025 година била најсмртоносна за новинарите досега. Дополнително, жените новинари се непропорционално изложени на родово базирано насилство, особено преку онлајн злоупотреби.

ЕУ бара сите напади врз новинари да бидат темелно истражени, а одговорните да сносат последици, посочувајќи на случаи во војната во Украина, конфликтите на Блискиот Исток и делови од Африка.

Покрај физичките закани, Унијата предупредува и на растечките притисоци врз слободата на информирање. Стратешките тужби против учество на јавноста (SLAPP), како и онлајн и офлајн заплашувањата, придонесуваат за автоцензура кај новинарите. Во изјавата се критикуваат и авторитарни режими, вклучително и Иран, поради репресијата врз медиумите.

ЕУ исто така предупредува на опасноста од дезинформации и лажни вести, кои се шират преку медиуми што не се независни, туку служат како алатки на власта. Ова доведува до зголемено присуство на пропаганда маскирана како новинарство.

Во одговор на овие предизвици, Европска унија ја потврдува својата посветеност за заштита на слободното и плуралистичко новинарство. Унијата соработува со организации како Европски фонд за демократија, УНЕСКО, Совет на Европа и ОБСЕ за унапредување на безбедноста на новинарите и медиумските слободи.

„И дома и на глобално ниво, Европската унија ќе продолжи решително да ја брани слободата на медиумите“, се наведува во заклучокот од изјавата.