ДУИ обвинува за скандал од 6 милиони евра во МЕПСО, бара истрага и одговорност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ обвинува за скандал од 6 милиони евра во МЕПСО, бара истрага и одговорност

03 мај 2026

• од Темелко Тошев

ДУИ излезе со остро соопштение во кое обвинува за сериозен финансиски скандал поврзан со државната компанија МЕПСО, вреден околу 6 милиони евра. Според партијата, директорот Бурим Латифи веќе четири дена не се појавува во јавноста и не дава одговори за случајот.

Од ДУИ тврдат дека во центарот на скандалот се компании дел од меѓународен конзорциум за изградба на далекуводот Битола–Елбасан, меѓу кои се посочуваат „Кодар Енергомонтажа“ и „ЕлНос БЛ“ од Бања Лука. За втората компанија, партијата наведува дека е поврзана со политички структури блиски до Милорад Додик.

ДУИ поставува неколку клучни прашања до Латифи и надлежните институции:
дали е потпишан договор со компанијата од Бања Лука, зошто се штити фирма со вакви политички врски и како е предизвикана штета од 6 милиони евра.

„Молкот по четири дена не е повеќе само отсуство на реакција, туку избегнување на одговорност“, стои во соопштението. Од партијата потенцираат дека станува збор за јавни средства и дека секоја одлука во МЕПСО мора да биде транспарентна и во интерес на граѓаните.

Во отсуство на конкретни објаснувања, ДУИ обвинува дека јавноста е изложена на обиди за пренасочување на вниманието и релативизирање на скандалот. Истовремено, како што велат, ниту еден од носителите на одлуки не презема одговорност.

Партијата бара итна реакција од Јавно обвинителство и отворање истрага за, како што го нарекуваат, „милионски злоупотреби“.

„Граѓаните заслужуваат јасни одговори – кој ја донел одлуката, кој профитирал и кој ќе одговара за изгубените 6 милиони евра. Времето на молк заврши, време е за одговорност“, порачуваат од ДУИ.