Абу Даби го обвини Иран за терористички напади врз цивилни цели

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Абу Даби го обвини Иран за терористички напади врз цивилни цели

04 мај 2026

• од Стефан Николов

Обединетите Арапски Емирати остро ги осудија обновените, како што ги нарекоа, „предавнички ирански терористички напади“ врз цивилни локации и објекти во земјата, изведени со ракети и беспилотни летала. Според Министерството за надворешни работи на ОАЕ, во нападите биле повредени тројца индиски државјани.

Во соопштението, Министерството оцени дека нападите претставуваат опасна ескалација, неприфатливо кршење и директна закана за безбедноста, стабилноста и територијалниот интегритет на Обединетите Арапски Емирати. Од Абу Даби нагласија дека ваквите дејствија се спротивни на принципите на меѓународното право и Повелбата на Обединетите нации.

ОАЕ порачаа дека нема да толерираат каква било закана по својата безбедност и суверенитет, под ниту едни околности. Министерството истакна дека земјата го задржува целосното и легитимно право да одговори на нападите на начин што ќе ги заштити нејзиниот суверенитет, национална безбедност, територијален интегритет, како и безбедноста на граѓаните, жителите и посетителите, во согласност со меѓународното право.

Во соопштението дополнително се нагласува дека таргетирањето цивили и цивилни објекти е осудено и отфрлено според сите правни и хуманитарни стандарди. ОАЕ повикаа на итен прекин на, како што наведоа, „предавничките напади“ и на целосно почитување на прекинот на сите непријателства.

Министерството за надворешни работи на Обединетите Арапски Емирати ја смета Иран целосно одговорна за овие напади и за нивните последици.