Георг Георгиев: Бугарија прва во ЕУ што води стратешки дијалог со САД во мандатот на Трамп

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Георг Георгиев: Бугарија прва во ЕУ што води стратешки дијалог со САД во мандатот на Трамп

10 декември 2025

• од Станча Јаќимовски

Бугарија е првата држава членка на Европската унија со која САД започнуваат стратешки дијалог под раководство на актуелната администрација на претседателот Доналд Трамп. Ова го истакна министерот за надворешни работи, Георг Георгиев, на отворањето на Третата сесија на Стратешкиот дијалог меѓу Бугарија и САД, одржана во зградата на Владата.

Сесијата беше свечено отворена од премиерот Росен Желјазков, по што збор зеде и министерот Георгиев. Тој нагласи дека денешниот дијалог претставува доказ за стратешката природа на билатералните односи, како и за високото ниво на доверба и блискост меѓу двете земји.

Георгиев потсети дека овој формат на дијалог бил воспоставен во јануари 2020 година, за време на претходниот мандат на Трамп, кога Бугарија и САД презедоа значајна обврска за проширување на стратешкото партнерство и зајакнување на соработката во клучни области, со цел унапредување на мирот, стабилноста и просперитетот на Балканот и во Европа.

Според него, изминатите пет години јасно го демонстрирале потенцијалот и можностите на билатералните односи. „Денес Бугарија и Америка се поблиски од кога било – како пријатели, партнери и сојузници“, изјави Георгиев.

Министерот додаде дека благодарение на силното лидерство на американскиот претседател Доналд Трамп, постои реална можност да се запре крвопролевањето и да се стави крај на војната во Украина. Тој повика на единство и истрајност во поддршката на овие напори.

Георгиев ја поздрави и визијата на Трамп за мир во Газа и неговата сеопфатна рамка за прекин на конфликтот. Дополнително, тој истакна дека Бугарија останува посветена на зајакнување на граничната безбедност, борбата против организираниот криминал и тероризмот.

Една од клучните точки во неговото обраќање беше и потврдата дека приклучувањето кон американската програма за безвизен режим останува важен и долгорочен национален приоритет за Бугарија. „Нашата одговорност е да ги претвориме можностите во реалност преку доследни напори и силна ангажираност“, нагласи Георгиев.

На крајот, министерот им посака успех на учесниците во третата сесија на Стратешкиот дијалог и изрази надеж дека двете влади ќе продолжат да поставуваат и остваруваат нови заеднички цели.