Караџов во Брисел: Железничката врска Софија–Скопје стратешки приоритет за Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Караџов во Брисел: Железничката врска Софија–Скопје стратешки приоритет за Европа

07 декември 2025

• од Станча Јаќимовски

Железничката линија Софија–Скопје официјално е вклучена во рамките за финансирање на Механизмот за поврзување на Европа за периодот 2028–2034 година. Ова го потврди вицепремиерот и министер за транспорт и врски на Бугарија, Гроздан Караџов, информира Министерството за транспорт и комуникации.

Според него, ова претставува значаен чекор кој ќе обезбеди целосно завршување на стратешкиот Коридор 8 на бугарска територија. Караџов учествувал на состанокот на Советот на министрите на Транспортната заедница во Брисел, каде што биле разгледувани клучни инфраструктурни прашања и можности за подобрување на регионалната поврзаност.

Приоритет на север-јужните коридори и посилна врска со Црното Море

Во рамките на дискусиите, Караџов истакнал дека проектите од TEN-T мрежата мора да го приоретизираат зголемувањето на капацитетот по коридорите север–југ, кои можат да станат двигатели на економски раст, одржливост и енергетска безбедност. Тој нагласил дека е потребна посилна транспортна поврзаност со Црното Море, што би создадало нови логистички модели, би ги поддржало коридорите на солидарност и би го интегрирало регионот во глобалните трговски текови.

Европска координација наместо национални напори

Министерот додал дека фундаменталното прашање денес не е само во изборот на проектите или средствата што треба да се обезбедат, туку во неопходноста националните активности да бидат заменети со координирани европски мерки. Според него, TEN-T премногу често функционира како збир на национални проекти, наместо како единствена европска мрежа.

„Нашата задача не е само да изградиме инфраструктура, туку систем кој функционира како единствена мрежа“, изјавил Караџов, нагласувајќи ја потребата од синхронизација на роковите за сите прекугранични проекти. Тој предупреди дека напредокот од едната страна на границата не смее да биде блокиран од застој на другата страна.

Оперативна усогласеност и поефикасни процедури

Караџов истакнал дека оперативната интероперабилност не смее да зависи од билатерални преговори или привремени исклучоци. Таа, според него, мора да биде загарантирана за секој дел од секој TEN-T коридор – од почетната до крајната точка.

Дополнително, тој ја нагласил потребата од побрзи, предвидливи и координирани процедури за издавање дозволи. „Ако административните процедури траат подолго од самата изградба, ние ја губиме конкурентноста уште пред проектот да биде финализиран“, истакнал вицепремиерот.