Од Петрич до Клуч: Илјадници Бугари во поход по стапките на цар Самоил

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Од Петрич до Клуч: Илјадници Бугари во поход по стапките на цар Самоил

03 октомври 2026

• од Гоце Кически

Походот „По стапките на Самоиловите воини“, кој започнал пред 12 години со само 34 деца, денес привлекува илјадници учесници од различни делови на Бугарија. Настанот се одржува во југозападна Бугарија, во регионот на Петрич, а годинашното издание в недела ќе се движи по маршрута од Самоиловата тврдина до селото Клуч.

Иницијативата започнала во 2014 година, кога во Бугарија се одбележувале илјада години од битката кај Клуч. Основачката на здружението „Млад планинар“, Гергана Сандакчиева, за телевизија „Нова“ изјави дека идејата била децата симболично да поминат низ дел од местата поврзани со цар Самоил и со историската битка.

Од мала група, походот со текот на годините прераснал во масовен настан. Минатата година учествувале околу 1.400 луѓе, а меѓу нив имало учесник на 86 години и бебе старо само четири месеци.

„Не е важен бројот на учесници, ниту километрите што ги минуваме. Важно е што луѓето доаѓаат по сопствена желба и повторно се враќаат“, изјави Сандакчиева.

За годинашниот поход веќе се пријавени повеќе од 1.200 лица во организирани групи, а организаторите очекуваат конечниот број да биде поголем бидејќи многу семејства пристигнуваат самостојно.

Следната цел на организаторите е походот да стане дел од националниот образовен и културен календар во Бугарија и да се утврди како традиција преку која новите генерации ќе се запознаваат со историјата поврзана со цар Самоил.