Радев кон Мицотакис: Ако во минатото цар Самоил нè разделувал, денес тој нè обединува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Радев кон Мицотакис: Ако во минатото цар Самоил нè разделувал, денес тој нè обединува

03 октомври 2026

• од Темелко Тошев

Бугарија денеска во Солун ги презеде посмртните останки на цар Самоил, кои повеќе од шест децении се чуваа во Грција. Церемонијата се одржа во Музејот на византиската култура, во присуство на бугарскиот премиер Румен Радев и грчкиот премиер Киријакос Мицотакис.

Радев изјави дека за него е „огромна чест“ во име на бугарската држава да ги прими останките на цар Самоил. Тој потсети дека тие биле откриени во шеесеттите години од професорот Николаос Муцопулос при археолошки истражувања на базиликата на островот Свети Ахил.

„Шест децении наши политичари, дипломати, научници и државници работеа за да стигнеме до денешниот ден“, рече Радев.

Во говорот тој му се заблагодари на грчкиот премиер Киријакос Мицотакис за постигнатиот договор меѓу двете држави, со кој е предвидена реципрочна размена и чување историски реликвии и културни артефакти.

Радев го опиша цар Самоил како важна историска личност за Бугарија и порача дека неговите останки денес стануваат симбол на приближувањето меѓу Софија и Атина.

„Ако во минатото цар Самоил нè разделувал, денес тој нè обединува“, рече Радев, додавајќи дека договорот дополнително го зајакнува стратегиското партнерство меѓу Бугарија и Грција.

Тој нагласи дека двете земји, по векови конфликти и ривалство, денес имаат високо ниво на политичка, економска и културна соработка. Според него, за тоа придонеле членството во Европската Унија, меѓусебната доверба и долгогодишната работа на политичари, дипломати, научници и граѓани од двете земји.

Радев порача дека враќањето на останките треба дополнително да ја зајакне културната соработка меѓу Софија и Атина и да им овозможи на идните генерации подобро да го запознаат историското наследство.