Белата куќа: Трамп за помалку од две години бележи 32 „историски“ успеси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Белата куќа: Трамп за помалку од две години бележи 32 „историски“ успеси

02 октомври 2026

• од Гоце Кически

Белата куќа објави листа од 32 резултати од последните неколку недели, кои ги претставува како значајни успеси на претседателот Доналд Трамп во неговиот втор мандат. Во официјалното соопштение се наведуваат мерки во економијата, енергетиката, безбедноста, имиграцијата и борбата против криминалот.

„Уште првиот ден претседателот Доналд Трамп вети дека ќе дејствува со цел и брзина за да ги врати надежта, просперитетот, безбедноста и мирот. Речиси две години од неговиот втор мандат, тој го прави токму тоа“, соопшти Белата куќа, оценувајќи дека администрацијата постигнува резултати со брзо темпо.

Меѓу резултатите што ги издвојува Белата куќа се повлекувањето на речиси една милијарда долари федерални трошоци, укинувањето на повеќе од 250.000 визи по засилени проверки и најавената инвестиција од 15 милијарди долари во челичарница во Ајова. Администрацијата наведува и речиси две милијарди долари инвестиции за модернизација на електроенергетската мрежа, како и нови правила за автомобилите за кои тврди дека ќе им заштедат околу 140 милијарди долари на Американците во следните пет години.

Белата куќа посочува и на повеќе безбедносни мерки. „Крајбрежната стража заплени повеќе од 260.000 фунти кокаин“, се наведува во соопштението. Администрацијата исто така соопшти дека се воведени санкции против 21 лице и 25 компании поврзани со картелот Синалоа, како и дека е подготвен план за заштита на изборите во 2026 година од странско мешање.

Во економскиот и индустрискиот дел, Белата куќа ги издвојува договорот за снабдување на Литванија со американски течен природен гас, приватна инвестиција од 500 милиони долари за американска резерва на критични минерали и договор од 20,7 милијарди долари за зголемување на домашното производство на ракети.

„Од враќањето на производството на критичните индустрии и намалувањето на непотребните трошоци, до борбата против криминалот и заштитата на даночните обврзници, претседателот Трамп ја спроведува агендата за која Американците го избраа“, се наведува на крајот од официјалното соопштение на Белата куќа.