Три нови метро-станици во Софија ќе бидат пуштени во употреба до август

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Три нови метро-станици во Софија ќе бидат пуштени во употреба до август

28 јануари 2026

• од Станча Јаќимовски

Три нови метро-станици долж булеварот „Владимир Вазов“ во Софија ќе бидат пуштени во употреба најдоцна до 1 август, соопшти Столичната општина на Бугарија преку социјалните мрежи. Информацијата беше потврдена и од градоначалникот на Софија, Васил Терзиев.

Новите станици ќе обезбедат побрза и поудобна врска за повеќе од 45.000 патници дневно, поврзувајќи ги населбите „Хаџи Димитар“, „Сухата река“ и „Левски–Г“ со западните делови на главниот град, како што се „Овча купел“ 1 и 2 и „Горна Бања“. Изградбата на делницата е завршена околу 93 проценти, а шинскиот пат веќе е поставен. Во моментов се изведуваат завршни градежни и технички активности.

Според најавите, следната година во Софија ќе бидат отворени уште седум метро-станици, што се очекува значително да придонесе за намалување на сообраќајниот метеж во градот.

Градоначалникот Терзиев истакна дека историјата на софиското метро е приказна за трпение, храбри одлуки и долгорочна визија. „Пред 28 години тргна првиот воз, а денес метрото е ‘рбетот на градот и најпосакуваниот начин на превоз“, напиша тој, нагласувајќи дека овој инфраструктурен проект е резултат на децении работа и континуитет, а не на мандатот на еден политичар.

Денес, според податоците на општината, околу 470.000 луѓе секојдневно го користат метрото. Тоа им овозможува навремено и мирно патување, избегнување на сообраќајниот хаос и придонесува за почист воздух во градот. Од само пет станици и 6,4 километри траса во 1998 година, софиското метро денес располага со 47 станици и вкупна должина од 52 километри.

Терзиев нагласи дека метрото претставува долгорочна инвестиција и визија што ги поврзува граѓаните, градот и иднината на Софија.