Атанасоски: Секоја зима Македонија живее во канцероген логор поради загадениот воздух

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Атанасоски: Секоја зима Македонија живее во канцероген логор поради загадениот воздух

25 јануари 2026

• од Станча Јаќимовски

Во подкастот „Почетна пресметка“, аналитичарот Благојче Атанасоски остро реагираше на состојбата со загадувањето на воздухот во Македонија, оценувајќи ја како недозволива и срамна за 21 век. Според него, земјата со години стагнира во справувањето со еден од најсериозните еколошки и јавно-здравствени проблеми, додека светот одамна чекори напред.

„Не ли е срамота во 21 век да се занимаваме со загадувањето на воздухот, кога апсолутно сите држави околу нас одамна направија сериозни чекори напред?“, праша Атанасоски, потенцирајќи дека проблемот одамна требало да биде надминат.

Тој направи споредба со сопствените детски сеќавања, кога пред дваесетина години на националните телевизии во Македонија, загадувањето во градови како Пекинг, Делхи или други метрополи во Кина, Индија и Пакистан било светска вест. „Тогаш гледавме луѓе со маски и се прашувавме како е можно да се живее во такви услови. Денес, за жал, ние го живееме истиот тој ужас“, истакна аналитичарот.

Атанасоски особено ја критикуваше политизацијата на проблемот, нагласувајќи дека загадениот воздух станал тема за меѓупартиски препукувања меѓу ВМРО-ДПМНЕ и СДСМ, без да се понуди суштинско и долгорочно решение. „Секоја зима повторно влегуваме во истата приказна, без резултати. Решение – апсолутно нема“, рече тој.

Според Атанасоски, последиците од ваквата состојба се драматични. Тој потсети на предупредувањата од медицинската фела за зголемената стапка на заболувања, особено на рак на бели дробови, што, како што нагласи, е директно поврзано со загадениот воздух. „Секоја зима живееме во еден канцероген логор“, додаде тој, апелирајќи проблемот конечно да се третира како приоритет од национален интерес, а не како дневнополитичка тема.

Изјавите на Атанасоски повторно го отвораат прашањето за одговорноста на институциите и потребата од системски, долгорочни мерки за справување со загадувањето, кое со години го загрозува здравјето и квалитетот на живот на граѓаните во Македонија.