ДУИ обвинува: Касами го изостави албанското знаме, а во центарот на Тетово се вее знамето на Вергина!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ обвинува: Касами го изостави албанското знаме, а во центарот на Тетово се вее знамето на Вергина!

10 септември 2026

• од Темелко Тошев

Демократската унија за интеграција (ДУИ) упати остри критики до градоначалникот на Тетово, Биљал Касами, обвинувајќи го дека за време на одбележувањето на државниот празник – 35-годишнината од независноста, целосно го изоставил албанското национално знаме. Според партијата, наместо албанскиот симбол, во центарот на градот било поставено знамето на Вергина.

Од ДУИ посочуваат дека ова не е само прашање на протокол, туку јасен показател за односот на локалната власт кон албанските национални симболи. Партијата потсетува на предизборните ветувања на коалицијата ВЛЕН, во кои се најавуваше рамноправна употреба на албанското знаме, химна и грб со македонските државни симболи. Според интегративците, откако ВЛЕН стана дел од Владата, овие ветувања се целосно заборавени. Воедно, забележуваат дека ова не е првпат да се изоставува албанското знаме на официјални настани од страна на одредени функционери.

Особено спорно за ДУИ е поставувањето на знамето на Вергина во центарот на Тетово. Тие реагираат дека станува збор за симбол кој не е официјален државен белег и сметаат дека неговото истакнување е во директна спротивност со одредбите од Преспанскиот договор.

Поради ова, партијата јавно бара од надлежните институции да ја испитаат законската основа за истакнувањето на знамето на Вергина, како и да се утврди кој дал наредба и одобрување за истото. Истовремено, се бара јасно објаснување од Општината зошто албанското знаме било избришано од прославата.

Во својата реакција, ДУИ испрати и директна порака до Касами, нагласувајќи дека политичките компромиси не смеат да се прават на штета на достоинството и националните симболи на Албанците.

„Законите мора да се применуваат еднакво, а ветувањата за рамноправност на националните симболи не смеат да служат само како алатка за изборни цели“, порачуваат од партијата, додавајќи дека одбележувањето на независноста треба да биде чин на почитување на државата, законите и рамноправноста на сите граѓани.